Балалар музейге барып, тарихи және мәдени құндылықтармен танысып, ерекше әсер алып қайтты. Танымдық экскурсия балалардың ой-өрісін кеңейтіп, үлкен қызығушылық тудырды.
Көңілді жексенбі күні балалар түрлі ойындар ойнады. Іс-шара өте қызықты өтті. Балалар қызығып, қуанып, барлық ойындарға бар ынтасымен қатысты. Ойын барысында олар жылдамдыққа, шапшаңдыққа үйреніп, бір-бірімен ынтымақтаса жұмыс істеуді меңгерді. Сонымен қатар үлкендерді сыйлауға, тәртіп сақтауға дағдыланды.
Психиатр дәрігер Тлеумбетова Л.А. оқушылар арасында “Мен ашуланғанда немесе мазасызданғанда не істеймін?” тақырыбында әңгіме өткізді.
Ашық сабақтың тақырыбы: «Өнерлі қол – бақыт кілті». Сабақ барысында балалар кепкен жемістерден әсем жеміс шоғынын жасауды үйренді. Оқушылар жұмысқа қызыға қатысып, белсенділік танытты. Шығармашылық тапсырма арқылы олардың қол икемділігі мен талғамы дамыды. Сонымен қатар, бұл сабақтың негізгі мақсаты: болашақта осындай жеміс шоғын жасап, оны сатуға болатынын түсіндіру арқылы балаларды жеке кәсіпкерлікке баулу болды.
Тәрбиеші: Мынбосынова Ш.К.
«Жеңіске бірге жетеміз!»
Бүгінгі эстафеталық жарыс ата-ана, бала және мектеп ынтымақтастығының тамаша үлгісіне айналды. Бір мақсатқа бірігіп, қолдау көрсетіп, бірге қимылдаған әр отбасы нағыз командалық рухты көрсетті.
Бірлігіміз мықты болса – жеңіс әрқашан бізбен бірге!
11 желтоқсан күні, Тәуелсіздік күніне орай Есік қаласындағы №2 облыстық арнайы мектеп-интернатта Қаракемер мәдениет үйінің директоры, ҚР мәдениет саласының үздігі, әнші-сазгер, Аманат партиясының мүшесі Арайлым Мамырбекқызының “Баба дала баяны” атты шығармашылық кеші өтті.
Осынау қайырымдылық шара барысында мәдениет үйіміздің вокал үйірмесінің шәкірттері мен мәдениет үйі қызметкерлері автордың шығармаларын орындады.
Арнайы мектеп-интернаттың ерекше балалары патриоттық әндер мен балалар әндеріне шаттана қол шапалақтап,билеп шаттанып қалды.
Іс-шара соңында мектеп-интернат директоры Арайлым Мамырбекқызына Алғыс хат, гүл шоқтары және мектеп-интернат оқушыларының қолдан жасаған естелік сыйлығын табыстады. Балалардың ерекше қуанғанын атап өтіп,осындай концерттер жиі болса деп қалды. Өз кезегінде Арайлым Мамырбекқызы да сөз алыр, аталған білім ордасына өзінің «Баба дала баяны» атты әндер жинағын тарту етті.